|
---|
Iti agdama maipatpataray ti operasyon na ken addaan iti kalawa nga siyam nga gasut quadrado pulgada(900 SF), dati nga balay ti kompanya a napagbalin nga health center, masarakan iti Lauhala Place ken parte pay ti nasukatan a dormitoryo nga apartment iti Houston Street. Plano ti LCHC nga pagkaykaysaen dagiti dua nga nasina a pasdek ken plano pay nga ipadakkel dagiti agduduma nga serbisyo ti pannakaasikaso ti salun-at para iti amin nga umili ditoy Lanai.
Ti naplano nga Lanai Community Health Center (LCHC), ket baro a pasdek nga addaan iti maysa nga katukad , innem a ribu ket walo a gasut quadrado pulgada ( 6,800 SF) ti kalawa ti pasdek, nga maipatakder iti Sixth Street (nagbaetan ti Houston ken Gay Streets, asideg ti Lanai Arts Center ken Maui Community College).
Kas Federally Qualified nga Health Center manipud pay idi Setyembre, 2007, ti misyon ti LCHC ket mangtaripato iti komyunidad tayo a Lanai. Daytoy baro nga facilidad ket naikkan iti naan-anay a kalawa na ken maaddaanto ti naan-anay nga facilidad a masapul iti panagagas kadagiti pasyente kas koma regular a panagpakita iti doctor no addaan ka iti sagsagubanit (primary medical care), dentista a mangtaripato ti ngipen (dental care), serbisyo a mangadal ti panaggargaraw ken kinatao (behavioral health services), panagsikog (prenatal), panagplano ti pamilya (family planning), ken panangadal kadagiti husto nga nutrisyon nga ipauneg (nutritional and preventive health education services). Dagitoy nga serbisyo ket nakalukat para iti amin, ngem naisangrat a para kadagiti nababa ken saan unay nga adu ti teggedda, kadagiti awan ti medical insurance na nga agnanaed ditoy Lanai. Awan ti tallikudan a serbian ti Health Center a maigapu ti kinakurang ti pundo no kasapulan ti pannakataripato. Daytoy nga Health Center ket agserbi para kadagiti amin a tattao nga awan ti pannakainaig ti edad, kinatao a naggappuan, babai wenno lalaki ka man ken lugar a naggappuan – kalakay, bisita ka man ken kadagiti kasangsangpet.
Daytoy to baro nga facilidad ti LCHC ket maaddaanto ti kuarto nga pageksamenan, kuarto nga pagkonsultaran, laboratoryo ti clinika, op-opisina ken lugar/kuarto a para ti supportar ti admistrasyon. Mairaman pay ditoy ti maysa a kuarto a mausar para kadagiti nadumaduma a nakaikapponan nga programa (activity multipurpose room) kas koma ti Lanai Art Center, klinika ti para trangkaso (flu clinics), programa ti Nagannak, Maladaga ken Ub-ubbing (WIC), panangadal maipanggep ti salun-at ken ar-aramid a pagaliwaksayan maipanggep iti pagsayaatan ti komyunidad.
Daytoy lokasyon ti baro nga facilidad ti LCHC ket masarakan iti distrito ti Lanai scenic and historical Business Country Town (BCT) iti daga nga aglawa ti 25,068 quadro pie nga abangan manipud ti Castle & Cooke iti balor a $1 kada taw-en iti unos ti 5 a taw-en, ken adda pay pagpilian no kayat a maipabaro manen iti sumaruno a lima a taw-en ken no kayat a gatangen. Ti porma a pannakaprintana ket naaramid nga kas met laeng kalanglanga ti resrespetuen tayo nga plantasyon a balay, maaddaan to ti atep nga “hipped metal”, nga adda pamasmasna na, addaan ti nakalukat a lanai ken doble nga tawa a naimuntar iti kayo. Ti pannakaaramid ti suelona ket natangken kas maiyannatop iti lugar ti pagagasan ken pagdentistaan, a nakaikonektaran ti nakalukat nga puerto ti pagur-urayan ket kabayatan iti panagur-uray iti sangoanan, makita ti ruar ti courtyard. Makita dita ti hardin ti nadumaduma a kultura, laok ti Hawaiian, Filipino ken Japanese nga mulmula a ma-usar nga pagagas, makaatrakar a dalan ti pagnaan a mangaw-awis kadagiti pasyente ken dagiti kapamilyada tapno mariknada ti ragsak iti kaaddada iti ruar. Adda pay hardin ti natnateng a mausar nga pangadal kadagiti nagkakauna nga mulmula nga mangited iti kinaberde ken kinabanglo ti paraangan.
Ti primera nga kayat a ragpaten ti LCHC ket mangpartuat iti kinasalun-at ti aglawlaw para kadagiti pasyente ken trabahador. Iti panagin-inut iti panagusar iti kasapulan iti inaldaw-aldaw nga aramaten(resources) ket bumassit met ti masayang nga usaren.Ti Health Center ket kalikagumanna ti pannakapatibker ti relasyon manipud ti komyunidad ken kasta met ti pannakapasayaat ti relasyon iti nagbaetan ti pasyente ken ti agay-aywan ti salun-at (providers). Iti panagin-inut iti nakairuaman a panagusar iti danum iti gripo babaen iti panangitrabaho iti “low flow plumbing fixture” tapno saan unay nga napigsa ti ayos ti danum, pannakaipan ti “solar water heating”, panangaramid ti landscaping nga addaan ti nagkakauna nga mulmula, babaen ti “bioswales” ken “underground” nga sistema ket malapdan ti ayos ti danum no agbagyo, panagusar kadagiti materyales nga mare-cycle, panangusar iti lawag iti aldaw ken senaryos, sangsangkamaysa nga “air conditioning controls” para ti komportable nga kayat a kinabara, ken panangusar ti Energy Star medical, facilidad nga aramaten iti para dental ken para ti opisina ket maysa kadagiti suroten nga maimplementar. Daytoy nga proyekto ket maisubmitirto iti US Green Building Council for Leadership in Energy & Environmental Design (LEED) Certification.
Daytoy nga proyekto ket madama nga maar-aramid ti printana ken mairuginto a mabangon intono katengngaan ti 2012.
|
---|
Daytoy nga pacilidad ket dakkel unay ti maitedna a pagimbagan tapno maragpat iti nasayaat a pannakataripato ti salun-at ditoy nga isla, ken kasta met iti panangipaay iti kasapulan a serbisyo kadagiti pasyente nga addaan iti limitado a beneficio ken kadagiti awanan ti insurance, bayad a “ sliding scale” nga maibasar ti natgedan. Makatulongka kadakami a makaragpat ti plano a pannakabangon iti daytoy a pacilidad kas panangited ti suportarmo a maipagna babaen ti Paypal! Aramiden daytoy babaen ti panangi-click iti donate nga tatalmegan iti baba. |
---|