Programa Ti Panagresetaan Ti Agas

Prolemam Kadi Ti Panangalam Ti Medicinam? Makatulong Kami!

Ti L āna`i Community Health Center ket nakikadua nga timmipon iti areglamento ti Molokai Drugs tapno naal-alisto ken naur-urnos ti pannakaawat ti medicina para kadagiti pasiyente, a pakairamanan payen ti suportar nga masapul tapno ad-adu pay ti intay maammoan maipanggep kadagiti sistema ti “medical insurance”. Nalaka Laeng!

KASANO TI ARAMIDEN TAPNO MAIRAMAN KA KADAYTOY A PROGRAMA TI LCHC KEN MOLOKAI DRUGS MEDICATION PROGRAM?

• Masapul a maysa ka kadagiti pasiyente ti Lāna`i Community Health Center (LCHC).
• Mangalaka iti forma ket agrehistro ka para ti LCHC and Molokai Drugs Medication Program.
• Awan ti problema! Urayem laeng iti isasangpet ti medicinam nga maibuson kenka iti kabiitan a tiempo.

KASANO NGARUD A MAKAALAAK TI MEDICINA WENNO AGAS KO NO AWAN MET TI MEDICAL INSURANCE KO?

• Ti LCHC ket tumultulong kadagiti marigatan nga mangisakad iti bayad ti agas ket makaala da ti agas wenno medicina da iti nababbaba a kantidad. Kas mainayon, dakdakkel pay ti supply nga medicina ti ipaay wenno ited ti Molokai Drugs.

ANIA PAY DAGITI SERBISYO NGA IPAPAAY DAYTOY A PROGRAMA PARA TI PAGSAYAATAN?

• Libra a pannakaibuson ti agas wenno medicina!
• Ti Molokai Drugs ket sidadaan nga makipartisipar kadagupan ti nalablabes pay ngem sangagasut a Medicare plans ken isu da payen iti mismo nga makiinnuman no mano ti bayad ti insurance para kadagiti amin a pasiyente.
• Dagiti medicina para kadagiti addaan iti managanan a “chronic illnesses”, mabalin pay nga maikkanda ti refill kada bulan, wenno dua agingga ti tallo a bulan nga supply da, kas maibasar no ania a klase ti insurance plan nga adda kadakuada.
• Addanto umay ditoy Lāna`i a maysa kadagiti parmasiotica ti Molokai Drug tapno umay makiinnuman kenka maipanggep ti in-inumem a medicinam wenno agas mo. Addanto maangay a “brown bag” event ket no kayatmo iti makipartisipar, ipakaammom laeng kadagiti “providers” mo wenno kadagiti mangas-asikaso ti salun-at mo. (Umaykan to ditoy clinic ket ibalon mon to nga nakasupot iti brown bag, amin nga ag- agas mo wennon medicinam.

Mangaw-awat iti kaadduan nga programa dagiti insurance. Dagiti pasyente nga awanan ken kurang ti beneficio ti health insuranceda ket masingirda ti bayad a maibasar ti “sliding fee scale” no mano ti natgedan. Adda asistir nga maipaay para kadagiti sabsabali pay nga “insurances” ken beneficio.

478 Lauhala Place
(ballasiw ti dati nga ‘Social Hall’)
Lunes/Martes/Miyerkule/Biyernes: 9 am-7:30 pm
Martes/Huwebes: 8 am-5 pm
Sabado: 8 am-3 pm