Ti Lanai Community Health Center ket kayatna nga ammoen ti pakasaritaan ti salun-at ti pamilyam/Family Health History (FHH). Iti panangsurot ti FHH ket maisalakan ti biagmo ken kadagiti pay ay-ayatem iti biag. Makatulong a mangduktal, mangmanehar ken manglapped kadagiti saksakit ken/wenno kondisyon sakbay nga mapasamak.
““Ti kaipapanan iti panangammo ti pakasaritaan ti salun-at iti pamilya ket isu ti pananglabanko iti kanser ti suso sakbay nga gandatennak a labanan.””
TI PAKASARITAAN ITI SALUN-AT TI PAMILYA KET MAKATULONG KENKA:
- Tapno maduktalan dagiti pasamak ken sakit a nangiturong kenka nga agpaagas wenno manglapped
- Panangmaymaysa a panangsurot ti nakatawidan, dieta, ken dimmakkelan nga aglawlaw
- Panangital-o iti kinasalun-at ken adal panggep ti genetiko iti kada maysa a tao ken ti entero a pamilya
- Panangital-o iti pannakikoyunikar panggep iti pagsalun-atan ti pamilya ken komyunidad
Ikalikagumam ti panangsurotmo kadagiti saksakit nga nga napasaran dagiti nagannak kenka, aapongmo, ken kakabagiam.Daytoy ket makatulong tapno mabirokan dagiti kondisyon ken pannakaawat kadagiti peggad nga agur-uray kenka ken ti entero a pamilyam.
Simple laeng, nalaka nga aramiden ken saan nga nabayag. Saan tayo nga ammo no daytoy ket isu ti mangsalbar ti biagmo ken ti biag ti pamilyam . . .
Ti FHH ket isu ti pakasaritaan dagiti saksakit nga adda iti puli ti pamilya. Isu ti maysa a parte ti entero a pakasaritaan ti pamilyam. Pakainayunan ti kultura, sursuro, aglawlaw a dimmakkelan, ken gargaraw, ti FHH ket mangidalan kenka a mangbiag iti biagmo.
Iti panangadal panggep ti FHH ket makatulong a mangaramid kadagiti pagsalun-atan a pagpilian: saan nga nangina, nalaka a wagas tapno mapasayaat ti salun-atmo ken ti salun-at ti pamilyam. Ibingay dagiti impormasyon nga nakolektarmo kadagiti provider a mangas-asikaso ti salun-atmo tapno makissayan dagiti sakit a pagpeggadam ken mangtubay ti panagkakadua a mangbukel ti salun-atmo.
Awagan ni Chelsea no kayatmo itan a rugian wenno kadagiti adu pay nga impormasyon – 808-565-6919 x121.
Ti panangkompleto iti FHH ket SIMPLE, NALAKA, ken adda pagpilian para ti nadumaduma a rukod ti KINA-PRIBADO.
Saan a nabayag nga aramiden. Sino ti makaammo? Iti panagresponde ket mabalin nga kanito ti panangisalbarmo iti bagim ken ti pamilyam. Iti baba ket adda dua a libro ti PDF nga mabalinmo nga i-download a makatulong tapno maawatam ti proseso ti panagirugi.
(*PALAGIP – Dagitoy ket dakkel a dokumentos ken mabayag bassit nga urayen ti pannakai-download na iti kompyutermo)
Kalpasan ti panangamirismo iti libro ti toolkit nga naidownload iti PDF, mapanka it Family History tapno isuratmo dagiti impormasyon ti pamilyam. No nalpasmon, maiturongka iti Genetic Pedigree ( kitaem ti ehemplo nga PDF iti babaen ti dua nga libro a toolkit) ket mabalinmo ti makipatang kadagiti pamilyam ken providermo tapno tulungandaka nga agpili iti piliem a pagsalun-atan.
TOOLKITS
Toolkit 1: Ti Pagsurotan Iti Pakasaritaan Ti Pamilya, ket makatulong iti panagkolektar, panagurnos, ken mangawat ti pakasaritaan ti salun-at ti pamilyam. Kada benneg ket mainayon met dagiti aktibidades a pilien. (Ilocano) (Tagalog)
Toolkit 2: Ti Pagsurotan iti Genetiko ken Pagsalun-atan (Ilocano) (Tagalog) ket mangted pay ti ad-adu nga adal:
- Apay nga ti genetiko ket importante iti pamilyak ken iti siak?
- Ania dagiti saksakit nga adda iti puli ti pamilyak?
Pagtuladan nga ehemplo ti Nakompleto a Mapa ti Genetic Pedigree
SURVEYS
Family Health History Pre-Survey: Ipakpakaasimi ti panangileppasyo iti daytoy a pre-survey sakbay nga rugiam ti Pakasaritaan Iti Salun-at Ti Pamilya a Proyekto. Makatulong kadakami daytoy a mangammo iti kapanunotam maipanggep ti pakasaritaan iti salun-at ti pamilya. Mahalo ken Dios ti Agngina!!
Family Health History Post-Survey: Ipakpakaasimi ti panangileppasyo iti daytoy a post-survey kalpasan ti panangkompletoyo ti Pakasaritaan Iti Salun-at Ti Pamilya a Proyekto. Kayatmi nga ammoen no kasano ti ekspiriensayo tapno iti kasta ket mapasayaatmi ti panagserbimi kadakayo. Mahalo ken Dios ti Agngina!
