Programa Ti integrated Behavioral Health
THE LĀNA‘I COMMUNITY HEALTH CENTER (LCHC)
PROGRAMA TI INTEGRATED BEHAVIORAL HEALTH
Ti Lāna‘i Community Health Center ket mangididiaya ti nalawa a sakup ti pagsalun-atan a serbisyo kadagiti agnanaed ti Lāna‘i. Daytoy programami a Behavioral Health ket napaadda tapno mapasingkedan ti salun-at ti agpada a bagi ken panunot. Mangididiaya kami iti nawada ken epektibo, nangato a respeto kadagiti agduduma a kultura tapno mapasayaat ti salun-at ken kinatao dagiti agnanaed iti Lāna‘i
Dagitoy dagiti sumaganad a serbisyo a maipaay:
- Clinical Assessment, Screening, Consultation
- Behavioral Psychopharmacology
- Psychotherapy
- Biofeedback
- Telehealth
Espesyal nga pannarabay, pakaikapponan ti serbisyo dagiti medical providers, ket maited tapno maagasan dagiti sumaganad a kondisyon:
- Angkit
- Dayabetis
- Naut-ot nga sakit
- GERD and IBS
- Pangmentenar ti Chronic a sakit ti panagpanpanunot
- Sakit Ti Panagpanpanunot, Nakaro
- Migraine ken Nakaro a Sakit ti Ulo
- Disorder Gapuanan ti Pannakabanbannog, Nakaro
APAY NGA IDIAYA TI SERBISYO TI BEHAVIORAL HEALTH ?
Naamiris ti Lāna‘i Community Health Center nga iti nasayaat a salun-at ti bagi ket narigat a mamentenar no ti rikriknaen ken panagpanpanunot ket saan nga mapagsasaritaan. Ngarud, ti behavioral health ket nairanta a nakasagaana para kadagiti pasyente kas nasisita nga elemento iti nalawa a sakup ken kalidad a pannakataripato ti salun-at. Dagitoy a serbisyo ket maidiaya a para asistir no ti nakaugalian, gargaraw, pannakabannog, panagdandanag, wenno rikriknaen maipanggep ti pisikal a bagi wenno problema ti biag ket makatubeng iti inaldaw a taray ti biag ken kalidad ti panagbiag.
ANIA A KITA TI PROVIDERS TI PAGPAKITAAK?
Dagiti Behavioral health providers ket isuda dagiti psykolohista nga addaan ti espesyal a training ti primary care ken psykolohista ti pagsalun-atan. Dagiti psykolohista ket iramanda pay dagiti kapulian ti Native Hawaiians, ken napigsa ti pakinakemda nga agtrabaho iti rural nga lugar.
Dagiti behavioral health ket makitrabahoda kenka tapno makissayan dagiti simtoma a pakaalaan ti agduduma a sakit, kas koma ti nakaro a sakit ti ulo, fibromyalgia, dayabetis, angkit, COPD, alta presyon, narigat a panagtakki, ken sakit ti a kardiyo.
Adda programa ti smoking cessation, panangkissay ti dagsen, panagabuso kadagiti maiparit a banag, ehersisyo, wenno panangbaliw ti biag a nakairuaman ket maidiaya ti kada grupo wenno sagmamaysa nga adalan.
Dagiti providers ket saw-enda dagiti problema a pakaseknan wenno motibo kas koma ti pamilya wenno narigat a relasyon, sobra nga bannog, ladingit, pannakaupay, panagdandanag wenno kinauyong.
KASANO TI PANANGARAMIDKO TI APPOINTMENT?
No kayatmo ti agpa-appointment para ti serbisyo ti behavioral health, awagan ti 565-6919, x121. Ti maaramid nga appointment ket mapasakbayan ti 1 agingga ti 2 a lawas, ken nakalukat ti Lunes agingga ti Biyernes. Dagiti providers ket madadaanda pay nga maawagan ti 24/7 LCHC provider hotline.
Ania Ti Ammoek Nga Maaramid Kabayatan Ti Appointmentko
TI BEHAVIORAL HEALTH?
Kabayatan ti umona nga appointment, dagiti behavioral health ket agdamagda ti saludsod panggep ti simtoma a a rikriknaem, agas/pakasaritaan ti naglabasam, rikriknaem nga pakaseknam, panaggargaraw, ken no kasano ti pakainaigan dagitoy kenka. Maamiris pay dagiti naglabasan a gunglo ken dimmakkelam a kultura.
Ti umona nga appointment ket agpaut ti maysa nga oras. Dagiti sumarsaruno wenno surnad nga appointments ket agpaut ti 30 a minutos agingga ti 1 nga oras depende ti naiplano a pakasapulan.
Dagiti behavioral health providers ket asidegda a makitrabaho kadagiti medical providers, no kasapulan, tapno mapadakkel ken magun-od ti kasasayaatan ken sangsangkamaysa a plano para ti bukodmo a pagsalun-atan.